Би 1: Гадаа гудмаар алхахад сайхан байна шүү. Ойрдоо ингэж алхаагүй юм байна. Сайхаан...

Би 2:  Хүйтэн байна шүү бас. Дулаахан хувцасласан маань онож. 

Би 1: Хөөх, сар хээр хоночихож. Байшингуудын дундаас олж харах ямар сонин юм бэ?

Би 2: Өөдөөс ирж байгаа хүн юун аймаар цоо ширтдэг юм бэ? Анзаарагдах юу билээ? ммм... 

Би 1: Сар... сар... Сархан минь чи ямар үзэсгэлэнтэй харагдана вэ? Надад таалагдах гэж энэ их утаан дундаас тодрон харагдана уу даа. 

Би 2: Өнөөдөр хүмүүст таалагдахаар хувцасласан юм байна шүү дээ хэхэ. Анзаарагдаж байна шүү, аанхан, зөрж өнгөрсөн хоёр бүсгүйн харц хэлж байнаа. Сай...

Номонд бүтээл нь орсон найзууддаа уран бүтээлийн амжилт хүсье. 
 Б.Бүрэнбилэг

Гол намуухан урсана.
Үсээ сүлжих
Бүсгүйн сэтгэл эзгүй

- - - - - -

Харсаар байтал
Өмнө минь модод нүцгэрэх.
Урьд үзээгүй зөндөө гуниг аж.

- - - - - - 

Аавын минь 
Морьны уяан дээр 
Өвс ургачихаж

Г.Дарьням

Гудамны үзүүртэй
Сарны гэрэл болзож байгаа даа
Бид хоёрын эзгүйд...

- - - - - -
Сархадын ертөнц...
Тэнд
Гуниг, галзуурлаас өөр юу ч үгүй

- - - - - -

Зүрхнээс унасан үй гашуу
Магадгүй мянган жилийн
Яруу найраг.

А.Содхүү

Би сарыг ...
Өнчин гэж бодохдоо
Өнчин байдаг

- - - - - - -
Эзгүй гал тогооны
Цоргоноос дуслах ус
Бод... бод... бод...

- - - - - -
Хүн...

Хайку сонирхдог бүлгийн залуусын хамтран бүтээсэн Цагаахан нам гүм хайкун түүвэр ном хэвлэлтээс гарлаа. Номын редактораар ажилласан Н.Төвшинзаяа, номын зураач Г.Дарьням, эмхэтгэсэн Г.Баярцэцэг, зөвлөсөн М.Даваасүрэн нартаа болон сэтгэлийн дэм туслалцаа үзүүлсэн Бизнетворк сайтын Монголын яруу найраг бүлгийн админ Лукас тэргүүнтэй бүлгийн залуустаа баярлалаа. 

Номыг бүтээлцсэн журмын нөхөддөө цаашдын уран бүтээлд ажилт хүсье.


Блогтоо номонд залуусынхаа бичсэн хайкунаас оруулж байх болно.
2011 11 26

...

 

Үүлнээс ниссэн захидлууд
Намайг тойрон бүжнэ
Цав цагаан, хөв хөнгөн тэднийг
Цасны үнэртэй залуу илгээжээ
Хацар дээр минь хайлна
Надад дурлан шингэнэ

Үүлнээс ниссэн захидлууд
Намайг тойрон бүжнэ
Сувдран асгарах тэднийг
Солонгын үнэртэй залуу илгээжээ
Хацар дээр минь урсана
Надад дурлан шингэнэ

Ширхэн ширхэгээр захидлаа тэрлэн
тэнгэрийн ханхүү илгээсээр
Шимтэн хүлээж тосохдоо
Газрын бүсгүй баясдагаа
Хацар дээр минь хайлна
Надад дурлан шингэнэ 

2011 11 амандаа аялан аялан бичивээ


...

 Хайр
Улирал мэт өнгөтэй
Харин би мод

- - - - - -

Гашуун шар навчис
Гунигтайгаар амь үйхэд
Нүцгэрсэн мод ажиггүй

- - - - - - -

Урт замын ханьтай
Уулын энгэрт ирэхэд
Мөс хайлсан байдаг
 2011

 

Хээтэй торго эвлүүлэх шиг

Үг мэтгэж тонгойхдоо

Хэний хүний нуурнаас

Ус хутгаж зээлсэнгүй

Хэдий сайхан тойромноос

Өвс тасалж өнгөлсөнгүй

Зүрхний цагаан цацалтай шүлгүүд минь

Зүсний цагаан гэгээтэй урсгал минь

Үгийн цагаан даллагаар

Үйлийн цагаан хаялгаар

Чимгийн ихгүй боссон ордонд минь

Чилэхийн зуургүй зочилвоос

Үзэг цаас сүйтгэсний хэрэг бүтнэ

Үгсийн чуулган хуруулсны учир зөвдөнө

 

 

2011 он

...

Басёгийн хэрээтэй
Хэлмэрчгүй хүүрнэхсэн
Хайрын тухай... 

2011-10

 
Таанын үнэрт агаар
Тансаг бараа болж
Та бид дугаарлавал яанаа

- - - - - - - 

Өрөөлтэй өрсөлдөж
Өнөөдрөөр амьдрагсад аа
Өө хөөрхий

- - - - - - -

Халуун, хүйтэн уулын 
Халуун, хүйтэн эзэд
Хайр нэхнэ

2011-10-25

 Намрын модод шиг 

Сэтгэлээ гүвэхсэн.

Нам гүмд уусаж..

- - - -  - - - 

Намайг дагах

Навчисын бүжиг

Газарт нойрсжээ

- - - - - -

Хос болор шувуу

Бэлгийн цаастайгаа ширээн дээр.

Чамайг орлох болов уу?

----- - - - - - 

2011 .10 

Хачин амьдрал. 
 Түүний амьдралыг хөндлөнгөөс хараад ээж ингэж дуу алддаг юм. Харин надад бол тэр бусдаас содон гайхалтай эмэгтэй. Тэр нууцлаг бүсгүй манай хөрш болсон нь миний амьдралыг ч бас өөрчилж орхисон билээ.  
Хэзээ тэр эгч нүүж ирсэнийг би анзаараагүй, нэг мэдэхэд түүнтэй гэрийн үүдэн дээр юм уу, шатан дээр зөрж таардаг байлаа. Түүнтэй зөрж өнгөрөхөд нэг  гайхалтай үнэртэн хамраар дамжин шууд л тархинд хүрч өөрийн эрхгүй эргэн хармаар болно. Сайхан үнэртэй эгч дуу цөөтэй ч надтай тааралдах бүр инээвхийлэн толгой дохьдог байв.
Нэг удаа би орцны үүдэн дээр өнөөх танихгүй хөрштэйгээ халз т...